Во периоди на криза можеме да покажеме дека само ние како поединци имаме моќ да направиме промена! 

Во моменти кога целиот свет се обединува во борба против уништувањето, без разлика дали се тоа смртоносни вируси, или пак климатските промени, треба да останеме смирени и фокусирани, а самосвеста да ни биде на највисоко ниво! ?

Исклучувањето на светилките од јавните простори да го пренесеме во нашите домови и заеднички да испратиме порака за спас на планетата, бидејќи сега и е најпотребна нашата помош!

• „Часот на планетата Земја ги откажува сите јавни закажани настани согласно препораките на Владата на Р.С. Македонија за заштита и превенција на ширењето на новиот COVID-19 вирус, па затоа ве повикуваме да ја пренесеме акцијата од улиците во нашите домови!„ – вели Ѓорги Селков, од канцеларија на Часот на планетата Земја во Македонија.

Со оглед на тековната криза, Светскиот фонд за природа и глобалните канцеларии на Часот на планетата Земја ширум светот им препорачуваат на сите лица да учествуваат ВИРТУЕЛНО во акцијата оваа година, за јавното здравје и безбедност.

Но, само поради фактот што останувате дома, тоа не значи дека не можете да имате незаборавно искуство во текот на едночасовниот мрак! Составивме список на 10 работи што можете да ги направите дома или на интернет за да го прославиме Часот на планетата Земја заеднички и да помогнеме во заштитувањто на нашата планета.

Бидете сигурни да го споделите вашето искуство со нас користејќи го хаштагот #EarthHourMK! Исто така, означете нè @EarthHourMK на Instagram, @EarthHourMK на Facebook и @EarthHourMK на Твитер за да можеме лесно да ги споделиме вашите објави и приказни!

1. Исклучете ги светилките!

Ова е суштината на движењето на Часот на планетата Земја и е најлесниот начин за учество. Едноставно исклучете ги сите непотребни светла во вашиот дом за еден час, во сабота на 28 март од 20:30 часот!

2. Вечера во мрак

Запалете неколку свеќи и подгответе здрави и вкусни оброци во кој ќе уживате! Не знаете од каде да започнете? Проверете го нашиот список со 50 јадења за поздрава планета!

3. Играјте друштвени игри или прочитајте ја вашата омилена книга во мракот

Пријателска забелешка: Нашиот тим нема да одговара за какви било уништени пријателства додека играте монопол! ?

4. Тематска филмска вечер

Подгответе ги пуканките и уживајте во вашите омилени филмови на Дизни или преземете ги оние маратони на Хари Потер што отсекогаш сте сакале да ги гледате.

Наша препорака – поделете ги пуканките, пола за вас, пола за вашиот пријател, и научете како да се поврзете со природата гледајќи го филмот кој доби две номинации за оскар – Медена земја!

Немате Нетфликс? Нема проблем! Можете дури и бесплатно да фатите една бонус епизода од Нашата планета: Наш проблем.

5. Направете влијание за само 60 секунди – потпишете ја нашата петиција „Глас за Земјата“

Имате една минута? Додајте го вашиот глас за да ги повикате светските лидери да преземат итна акција за заштита и обновување на природата! Петицијата „Глас за Земјата“ ќе биде претставена на големите глобални конференции подоцна во текот на годината.

Додај го твојот глас тука!

6. Кампувајте во вашиот двор или дневна соба

Ако ја сакате авантурата за кампување на отворено, ве предизвикуваме да ја претворите задната градина или дневната соба во вашиот сопствен простор за кампување! Немате вистински шатор? Зошто да не направиме со чаршафи, перници и други предмети од вашиот дом?

7. Еколошка модна ревија

Кој вели дека не можете да правите добри дела додека изгледате добро во исто време ?. Поврзете се со семејството и забавувајте се во интересна ноќ на облекување! Ослободете ја вашата креативна страна со тоа што ќе направите ваша сопствена носија од рециклирачки материјали!

8. Време е да учиме! Слушајте ги предавањата на Сер Дејвид Атенборо и Грета Тунберг

Дознајте од Сер Дејвид Атенборо, бидејќи тој го објаснува најголемиот предизвик на човештвото и како можеме да го надминеме. Гледајте тука!

Следно, Грета Тунберг воведува еден од нашите најголеми сојузници против климатските промени. Гледајте тука!

9. Вежбајте ноќно фотографирање или испробајте „светло-сликарство“

Дали сакате да ги тестирате вашите вештини за фотографирање? Обидете се да направите портрети од вашето семејство и пријатели во слаба осветленост или под свеќа! Можете исто така да испробате „сликање на светло“ со вашата камера – препорачуваме статив и бавна брзина на блендата! Проверете го овој корисен водич за повеќе информации за тоа како да го направите ова!

10. Направете акустична сесија или караоке

Ослободете го внатрешниот Ед Шеран или Бијонсе и пејте во мракот со пријателите и семејството! За сите вие што одржувате концерти додека се туширате – ова е вашата шанса да блеснете! ⭐

И секако, бидете сигурни да го споделите вашето искуство со нас користејќи го хаштагот #EarthHourMK! Исто така, означете нè @EarthHourMK на Instagram, @EarthHourMK на Facebook и @EarthHourMK на Твитер за да можеме лесно да ги споделиме вашите објави и приказни!

Инаку, во минатата деценија, Часот на планетата Земја инспирираше глобално учество во критични иницијативи за природата, климата и животната средина, помагајќи во кревање на свеста за проблемите со кои се соочува нашата планета. Изминатите години, движењето помогна во создавање на 3,5 милиони хектари заштитена морска област во Аргентина, шума од 2.700 хектари во Уганда и помогна да се донесе нова законска регулатива за заштита на морињата и шумите во Русија. Минатата година, WWF-Еквадор се заложи за закон за забрана за употреба на пластични кеси, други пластични еднократни производи и производи од стиропор во главниот град, додека пак WWF-Индонезија иницираше засадување на 20.000 садници од мангрови во 13 градови.

Оваа година, Часот на планетата Земја ќе се одржи на 28 март (сабота), кога во 20:30 часот по локално време во мрак ќе потонат над 8.000 града во преку 180 држави ширум светот, а меѓу нив дел е Македонија.

Започнувајќи како симболичен настан во Сиднеј во далечната 2007 година, Часот на планетата Земја сега се одбележува во повеќе од 180 земји и територии како глобален момент на солидарност за планетата.